కన్నెతులసమ్మ నోము కథ
ఒక చిన్నది సవితితల్లిపోరు పడలేక తన అమ్మమ్మగారి యింటికి వెళ్ళిపోయెను. సవతితల్లి ఆ పిల్లను తీసుకురమ్మని భర్తను వేధించెను . కాని అతడందుకు అంగీకరింపక, ఆమెనే వెళ్ళిపిల్లను తీసుకురమ్మని చెప్పెను . ఇంక చేయునది లేక ఆమె సవతి పిల్లను తీసుకునివచ్చుటకాపిల్ల అమ్మమ్మగారింటికి వెళ్ళి పిల్లను పంపమని ఆమె తాత నడిగెను. ఎంతో నిష్టూరముమీద ఆ పిల్లను తీసుకువచ్చెను. ఒకనాడు పిల్లకు తన పిల్లనిచ్చి ఎత్తుకొనమనిచెప్పి అరిశముక్కను పెట్టి ఆమె తులసమ్మకు పూజ చేసుకొనెను. అది చూచి పిల్ల సవతితల్లి వెళ్ళిన తరువాత అరిసెముక్కను నైవేద్యము పెట్టి తులసమ్మకు పూజించెను . ఆ చిన్నదాని భక్తికి మెచ్చిన తులసమ్మ ప్రత్యక్షమై "చిన్నదానా! నీవు పూర్వ జన్మలో కన్నెతులసమ్మ నోము నోచి ఉల్లంఘించుటచేత ఈజన్మలో నీకు తల్లిలేకపోయినది. అందుచేత నీవు కష్టములు పడవలసివచ్చినది. కావున నీవానోమునునోచుకొని సుఖపడుము" . అని సెలవిచ్చి మాయమయ్యెను . ఆ పిల్ల ఆ నోము నోచు కొని ఏడాది అయిన తరువాత ఉద్యాపనము చేసుకొనెను. అప్పడినుండి ఆమె సవతి తల్లి కామె యందు ప్రేమ కలిగి ఆమెను సోత బిడ్డవలె చూచుకొనెను .
ఉద్యాపన:
తులసమ్మకు పదమూడు జతల అరిసెలు నైవేద్యము పెట్టి పూజ చేసి ఒక కన్యకు తలంటి నీళ్ళుపోసి పరికిణి , రవికె యిచ్చి అరిసెలు వాయన మియ్యవలెను .
కామెంట్‌లు లేవు:
కామెంట్‌ను పోస్ట్ చేయండి